Камчы Көлбаевдин уюшкан кылмыштуу тобундагы адам кармалды

14-сентябрда Жалал-Абад облусунда Камчы Көлбаевдин уюшкан кылмыш тобунун мүчөсү кармалганын Жалал-Абад ОИИБинин басма сөз катчысы Таалайбек Сусунбаев билдирди. Маалыматка ылайык, Ош облусунун Кара-Суу районунун тургуну 53 жашар Искендер Топчубаев 2011-жылы Мамырбек Орозбаев аттуу жаран 80 миң сом алып азыркыга чейин бербей жүргөндүгү тууралуу арызы менен кайрылган. Иликтөөлөрдүн натыйжасында Камчы Көлбаевдин уюшкан кылмыштуу тобунун мүчөсү, Базар-Коргон районунун “смотрящийи”, мурда соттолгон 34 жашар Мамырбек Орозбаев кармалган. Ага карата “алдамчылык” беренеси боюнча кылмыш иши козголуп, ал убактылуу кармоочу жайга камалган.