Кыргыз өлкөсү дүйнөдөгү мыкты мамлекеттердин рейтингине бул жолу да кирген жок

Жыл сайын "US News" жана "World Report" басылмасы дүйнөдөгү эң мыкты мамлекеттердин рейтингин жарыялап турат. Кыргыз өлкөсү бул тизмеге киргизилген жок.

Маалыматка ылайык, 2020-жылы Швейцария эң мыкты өлкө болду. Ал эми мыкты 5 өлкөнүн катарына Канада, Япония, Германия жана Австралия өлкөлөрү кирди.

Рейтингде өлкөлөр төмөнкү критерийлер менен бааланган:

- Ишкердикти өнүктүрүү;

- Туристтер арасындагы популярдуулугу;

- Өз жарандарына карата мамиле (адам укуктарын коргоо, экология жана гендердик теңчилик);

- Маданий таасир;

- Өнүгүү потенциалы;

- Тарыхый мурас;

- Аскердик күч;

- Жашоо сапаты.

Белгилей кетсек, быйыл Азербайжан рейтингде 70-орундан 61-орунга көтөрүлүп, Казакстанды (66-орунду) ашып өттү. Рейтингде Орусия 23-орунду ээледи.