Коммерциялык банктан насыя алгандар митингге чыгышып, түнү менен ошол жерде түнөштү

Кечээ, 24-августта Бириккен улуттар уюмунун алдында митинг болуп өткөн. Анда чогулган элдин бирден бир талабы пандемияга байланыштуу насыянын үстөк пайызын жана үстүнө кошуп төлөнүүчү туумду алып салуу болгон. Аталган акцияга 7 облустун жашоочулары келип, бул маселени чечип беришпесе нөөмөтсүз ушул жерге түнөй тургандыгын билдиришкен.

Аталган митингдин катышуучулары түнү Бириккен улуттар уюмунун алдында түнөшкөн. Бул тууралуу SUPER.KG порталына митингдин катышуучулары билдиришти.

Ал эми "Элет көйгөйү" коомдук бирикмесинин кеңешчиси Темир Махмудов буларга токтолду: "Кечээ түнү митингдин катышуучулары Бириккен улуттар уюмунун алдында түнөдүк. Кийин аталган мекеменин өкүлү чыгып, биздин 400дөн ашуун арыз, кайрылууларыбызды кабыл алып, тез убакыттын ичинде жообун беребиз деп айтышты. Ошол себептүү ал жакта чогулган эл бүгүн тарадык", - деди Махмудов.