Бууумм! Лионель Месси "Барселонадан" кетүүнү чечти

Дүйнөгө белгилүү футболчу, Испаниянын "Барселона" футболдук клубунун чабуулчусу Лионель Месси клубдун жаңы машыктыруучусу Рональд Куман менен телефон аркылуу сүйлөшкөндөн кийин клубдан кетүүнү чечти. Бул тууралуу дүйнөлүк басылмалар жазып чыгышты.

Маалыматка ылайык, Куман Месси менен телефон аркылуу сүйлөшкөндө: "Мен ийкемдүү болбойм, команда жөнүндө ойлонушуң керек", - деген.

Анын сөздөрү Мессини ушунчалык капа кылгандыктан, ал клубдан кетүүнү чечкен.

Лионель Мессинин "Барселона" клубу менен түзүлгөн келишиминде ар бир сезондун аягында келишимди бир тараптуу бузууга мүмкүндүк берген варианты бар.

Өткөн сезондо 33 жаштагы Месси клуб менен жалпы 44 оюнга катышып, 31 гол киргизип, 26 жолу голдук пас чыгарып берген. Месси "Барселона" клубунун тарыхындагы мыкты бомбардир. Клуб менен футболчу 4 жолу Чемпиондор Лигасын жеңип алган.