Кант шаарында өспүрүм кыз уктоочу бөлмөсүнө асынып алды

Бүгүн, 26-августта Ысык-Ата райондук ички иштер бөлүмүнө Кант шаарындагы кичи райондордун бириндеги үйдө жашы жете элек 2008-жылы туулган П.В. аттуу кыздын жансыз денеси табылгандыгы жөнүндө телефон аркылуу билдирүү түшкөн. Бул тууралуу SUPER.KG порталына Чүй облустук ички иштер башкы башкармалыгынын басма сөз кызматынан билдиришти.

Маалыматка ылайык, каза болгон кыз уктоочу бөлмөсүнө асынып алган.

"Бул факты боюнча Ысык-Ата районунун ички иштер башкармалыгынын тергөө ыкчам тобу барган. Окуя боюнча Кылмыштардын жана жоруктардын бирдиктүү реестрине катталып, соттук-медициналык экспертиза дайындалды. Алдын ала маалыматтар боюнча, кыз асынып алганы белгилүү болду. Бардык жагдайлар иликтенүүдө.

Азыркы учурда тергөө жана ыкчам иликтөө иш-чаралары, сотко чейинки өндүрүш иши жүргүзүлүп жатат, анын жыйынтыгы боюнча кошумча маалымат беребиз", - деп билдиришти башкармалыктан.