Мекендешибиз Гүлжан Токтогулова Лос-Анжелесте өткөн сценаристтердин эл аралык сынагында чейрек финалга чыкты

Мекендешибиз Гүлжан Токтогулова Лос-Анжелесте өткөн "ScreenCraf" аттуу сценаристтердин эл аралык сынагында чейрек финалга чыкты. Бул тууралуу ал Твиттердеги баракчасына жазып чыкты.

"Менин "YOUR PEOPLE" ("Сиздин эл") аталышындагы көркөм сценарийим драмалык тасмалар категориясында чейрек финалга чыкты", - деп билдирген ал кубанычы тууралуу.

Анын сынакка жазган сценарийи "YOUR PEOPLE" ("Сиздин эл") деп аталат. Мында ал драмалык тасмалар категориясында катышууда. Мекендешибиздин чыгармасы 3 миң билдирменин ичинен тандалып алынган.

Гулжан Токтогулова "Салам, Нью-Йорк" тасмасынын сценаристтеринин бири. Андан сырткары "Таш, кайчы, кагаз" сериалынын сценаристи, "Апамды издеп", "Көк бөрү" сценарийлердин редактору. Учурда Лос-Анжелесте киноискусство институтунда окуйт.