Чыңгыз Айтматов атындагы Эл аралык сыйлыктын байгеси 30 миң долларды түзөт

Чыңгыз Айтматов атындагы Эл аралык адабий сыйлыктын байгеси 30 миң доллар экенин бүгүн ЖКда депутат Талантбек Узакбаев билдирди. Т.Узакбаев ошондой эле бул сыйлыкты акчасы жактан алып караганда дүйнөдө абройлуу сыйлыктардын катарына кирерин айтты. Сыйлык жылда бир жазуучуга залкар жазуучунун туулган күнүндө (12-декабрда) ыйгарылат. Эске салсак, аталган сыйлыкты түзүү чечими Санкт-Петербургда өткөн КМШ өлкөлөрүнүн парламенттер аралык ассамблеясынын отурумунда кабыл алынган.