Бүгүн, 1-сентябрь - Билим күнү. Быйыл салтанаттуу линейка уюштурулбайт

Бүгүн, 1-сентябрь - Билим күнү. Бул күн расмий түрдө "Билим күнү" деп СССРде 1984-жылдан тартып белгилене баштаган. 1-сентябрь СССРде мамлекеттик статус ала электе бул күн жөн эле окуу күнү болгон. Ошого карабастан, бул датада салтанаттуу линейка менен башталып, андан кийин кадимки сабактар өткөрүлүп, иш күнү болгон.

Быйыл пандемияга байланыштуу республиканын бардык билим берүү уюмдарында 1-класстар үчүн салтанаттуу линейка уюштурулбайт. Билим күнүндө салттуу түрдө ийкемдүү графикке ылайык, "Сүйүктүү Кыргызстаным" аттуу 1-сабак өткөрүлөт.