Дүйнөлүк саламаттыкты сактоо уюму эл аралык каттамдардын ачылышын колдойт

Бүткүл дүйнөлүк саламаттыкты сактоо уюму карантинден кийин эл аралык каттамдардын ачылышын колдойт. Бул тууралуу брифинг учурунда аталган уюмдун башкы директору Тедрос Адханом Гебреисус айтканын чет элдик маалымат булактары жазып чыгышты.

"Бүткүл дүйнөлүк саламаттыкты сактоо уюму карантинден кийин бардык өлкөлөрдөгү эл аралык каттамдардын ачылуусун колдойт. Биз балдардын кайрадан мектепке барып, адамдар өзүлөрүнүн жумуш ордуларына кайтышын каалайбыз. Бирок баары сактык эрежелерди кармануу менен болушу абзел. Вирусту кайсы өлкө катуу көзөмөлдөсө, каттамдардын ачылуусу ошончолук тездик менен жүрөт", - деген уюмдун директору.