"Кыргызстан" партиясына каршы болгондор менен колдогондор ортосундагы талаш-тартыштар

Бүгүн, 1-сентябрда Жогорку Сот "Кыргызстан" саясий партиясынын шайлоого катышуу укугун карайт. Сот отуруму саат 16:00гө белгиленген, бирок отурум баштала элек.

Ушул тапта мекеменин алдына бир топ киши топтолгон. Алардын бир бөлүгү "Кыргызстан" партиясынын колдоочулары болсо, экинчи тарап БШКнын чечимин сактап калуу керек дегендер. Ал ортодо "Ата Мекен" партиясынан депутаттыкка талапкер Тилек Токтогазиевди "Кыргызстан" партиясынын колдоочулары топтон сүрүп чыгышты. Ошол эле "Чоң Казат" партиясынан талапкерлер, өкүлдөр "Кыргызстан" партиясына карата каршы пикирлерин билдиришүүдө.

Ал эми аталган партиянын өкүлдөрү Жогорку Сот административдик соттун чечимин күчүндө калтырат деген үмүттө.