Дүйнөлүк окумуштуулар Жерди эң жаман климаттык апаат күтүп жатканын айтып чыгышты

Мөңгүлөрдүн жана айсбергдердин эришинен улам Жер шарын эң жаман климаттык апаат күтүп жатат. Бул тууралуу Улуу Британиянын Лидс университетинин жана Даниянын метеорологиялык институтунун илимпоздору билдиргенин чет элдик басылмалар жазышууда.

"Мөңгүлөрдүн жана айсбергдердин тез эришинен улам Жер шарында эң жаман климаттык кырсык болот. Дүйнө эли мындай тобокелчиликке азырынча даяр эмес", - деген окумуштуулар.

Окумуштуулардын билдиришинче, акыркы 30 жылда дүйнөлүк океан 1,8 сантиметрге көтөрүлгөн. Ал эми жыл сайын дүйнөлүк океан 4 миллиметрге көтөрүлүүдө. Эгерде ушундай темп менен океандын деңгээли көтөрүлө берсе, жакынкы жылдары 10 миллиондогон адамдын жашоосуна таасирин тийгизиши мүмкүн.

Мындан тышкары Гренландия менен Антарктиданын муз катмарларынын эрүү темпи өсүүдө.