Эл каттоо жүрүп жатат деп шайлоого маалымат чогултуу башталдыбы? Улуттук статистикалык комитети жарандарды сак болууга чакырат

Өлкөнүн Улуттук статистика комитети эл жана турак жай фондун каттоосун өткөрүү боюнча учурда эч кандай иш-чаралар жүрбөгөнүн расмий түрдө билдирди.

Социалдык тармактарда эл каттоо кызматынын шылтоосу менен белгисиз адамдар үймө-үй кыдырып, алдыдагы шайлоо үчүн маалымат чогултуп жатышат деген билдирүүлөр пайда болгон. Буга байланыштуу Улуттук статистикалык комитет эл жана турак жай фондун каттоого даярдык көрүү жана өткөрүү боюнча иш-чаралары 2020-жылдын 23-мартынан тартып 1-апрелине чейин өтө тургандыгы тууралуу маалымдалганын, бирок өлкөдөгү эпидемиологиялык кырдаалга байланыштуу эл каттоо иш-чарасын өткөрүү мөөнөтү белгисиз убакытка жылдырылганын билдирет.

Так маалымат алуу үчүн (0312) 32-53-36; (0312) 62-56-57 телефондоруна же Улутстаткомго жана жакынкы аймактык мамлекеттик статистика органдарына кайрылса болот.

Буга чейин Кыргыз өлкөсүндө калкты каттоо 2020-жылдын март айына белгиленгени жана ал мобилдик тиркеменин жардамы менен өтөрү маалымдалган.