Байгазы Кенжебаевге Жогорку Кеңештин мандаты тапшырылды

"Кыргызстан" саясий партиясынан Жогорку Кеңештин депутаттыгына талапкер Кенжебаев Байгазы Бобуновичке Кыргыз Республикасынын Жогорку Кеңешинин депутаттыгынын мандаты тапшырылды. Бул тууралуу Борбордук шайлоо комиссиясынын басма сөз кызматынан билдиришти.

Маалыматка ылайык, Байгазы Бобуновичке Жогорку Кеңешинин катталган депутатына белгиленген үлгүдөгү күбөлүк жана төш белгиси берилди.

Кенжебаев Байгазы Бобунович буга чейин депутаттык мандатын тапшырган Таалайбек Масабировдун ордуна депутат болуп келди.