Дыйкан-Кара-Кече унаа жолуна түшкөн таштар толугу менен тазаланды

Дыйкан-Кара-Кече унаа жолуна түшкөн таштар толугу менен тазаланды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 16-август күнү Жумгал районунун Дыйкан-Кара-Кече унаа жолунун 37-чакырымында тоо беттеринен таш кулоо активдешип, жол каттамдын 500 метр аралыгын жаап, болжол менен 300 миң (метр куб) таш массасы түшкөн.

"Түзүлгөн кырдаалды жөнгө салуу жана күз-кыш мезгилине даярдыкты көрүү мерчемин үзгүлтүккө учуратпаш үчүн, ӨКМнын Нарын облусу боюнча башкармалыгы тарабынан 3000 литр дизелдик күйүүчү май бөлүнүп берилген. Жумгал районунун ДЭП №24 жол тейлөө ишканасы тарабынан 3 инженердик техника, Кара-Кече көмүр ишканасынан дизелдик күйүүчү май жана 7 даана инженердик техникалар жана 15 жумушчу тартылган.

Жыйынтыгында 1,200 метр автоунаа жолу курулуп, жол каттамы эки тараптуу ачылган. Мындан тышкары 8 даана электр чубалгы тиректери орнотулуп, 400 метр аба чубалгысы тартылып, электр энергия менен камсыздалды", - деп жазылат маалыматта.