Белгилүү балбан Нурлан Алишеров (Ташчайнар) оор абалда ооруканада жатат

Эл арасында "Ташчайнар" каймана аты менен таанымал болгон балбан Нурлан Алишеровго жардам керек. Учурда ал Бишкек шаарындагы Фучик ооруканасында оор абалда жатат. Бул тууралуу SUPER.KG порталына өкүл баласы Алымбек Адылбеков билдирди.

"Кечээ, 2-сентябрда саат 20:00 чамасында өкүл атамдын (ред.Нурлан Алишеров) таанышы чалып, тезинен атаңдын үйүнө бар, жыгылып калыптыр деп айтты. Атамдын 8 жаштагы баласы ошол байкенин номерин жатка билет экен, анан чалыптыр. Барсам атам дагы, баласы дагы аябай ыйлаптыр. "Тез жардамга" чалсам, алар келип эле алып кетебиз дешти. Атамды Фучиктеги ооруканага алып келип, жандандыруу бөлүмүнө алып кирип кетишти.

Эртең менен ооруканага барсак, дарыгерлер томографияга тартыш керек, инсульт алган деп айтышты. Сөздүн ачыгы бүгүн кечке томографияга акча издеп таба албай койдук. Түштөн кийин бир аз өзүнө келгенде телефон менен байланышып, акча керектигин айтсам, элден жардам сура, башка айла жок деп айтты.

Өкүл апам дагы Таласка кеткенине 5-6 күн болуптур. Ал жактан ооруп калып, учурда ал дагы дарыланып жатыптыр. Азырынча атамдын сол капталы жакшы иштебей жатат. Томографияга түшкөндөн кийин бардыгы билинет экен. Учурда атама жардам керек!", - деди Адылбеков.

Жардам берүүнү каалагандар: 0776553535 ЭЛСОМ. (Өзүнүкү).

Суроолор болсо Алымбек Адылбеков менен байланышсаңыздар болот.
0773834605
0703834605