Мамлекеттик жөлөк пулду дайындоодо жарандардан 8 маалым катты талап кылуу алып салынды (тизме)

Санариптештирүү жылынын алкагында мамлекеттик жөлөк пулду дайындоо үчүн жарандардан 8 маалым катты талап кылуу алып салынды. Бул тууралуу Эмгек жана социалдык өнүктүрүү министрлигинен билдиришти.

Ага ылайык, төмөндөгү документтер алынганы айтылат:

1. паспорт;
2. пенсия алууга укугу жок экендиги жөнүндө маалым кат;
3. камсыздандыруу салымдарынын суммасы жана көлөмү жөнүндө маалым кат;
4. ишкердик тууралуу маалым кат;
5. патенттин наркынын суммасы;
6. туулгандыгы жөнүндө күбөлүк;
7. үй-бүлө мүчөсүнүн каза болгондугу тууралуу күбөлүк;
8. кыймылдуу мүлктүн бар экендиги жөнүндө маалым кат;

Ушул жылы мамлекеттик органдардын ведомстволор аралык өз ара аракеттенүүгө даярдыгына жараша министрлик тарабынан калкка көрсөтүлүп жаткан мамлекеттик кызматтардын маалым каттарынын 2 түрүнөн кем эмес электрондук форматка которуу пландаштырылып жатканы маалымдалат.