Өлкөдөгү 2 аэропортто жана темир жол бекеттеринде товарларды эсепке алуу функциясы иштей баштайт

Өкмөттүн 2020-жылдын 21-августундагы токтомуна ылайык, 2 эл аралык аэропортто жана 4 темир жол бекетинде Кыргыз Республикасына товарларды ташып келүүдө ЕАЭБге мүчө мамлекеттер менен соодалашуунун алкагында товарларды эсепке алуу боюнча пункттар иштеп баштайт. Бул тууралуу Салык кызматынын басма сөз кызматынан билдиришти.

Билдирүүгө ылайык, товарларды эсепке алуу пункттары "Манас" жана "Ош" эл аралык аэропортторунда, "Кара-Балта" (Жайыл району), "Аламүдүн" (Аламүдүн району), "Кара-Суу” (Кара-Суу району), "Бишкек-1" (Бишкек шаары) темир жол бекеттеринде ачылат.

Ушуга байланыштуу темир жол же аба транспорттору менен товарларды ташып келүүчү импорттоочулар ташып келинген жүктөрүнө болгон документтерин андан ары салык төлөө үчүн товарларды эсепке алуу пунктунан эсепке коюуга милдеттүү болот.