Бийик тоолуу райондордо кар жаашы күтүлөт. 11-сентябрга карата аба ырайы

Эртең, 11-сентябрда Кыргыз өлкөсүндө түнкүсүн тоолуу райондордо өткүн өтүп, күн күркүрөйт. Бийик тоолуу райондордо кар жаайт, дыйканчылык аймактарда жаан-чачын жаабайт. Бул тууралуу Кыргызгидромет борбору билдирди.

Күндүз Талас, Ысык-Көл, Нарын облустарынын кээ бир жерлеринде, Чүй, Ош, Жалал-Абад облустарынын тоолуу аймактарында өткүн өтүп, күн күркүрөйт, бийик тоолуу райондорунда кар жаайт.

Чүй, Ош, Жалал-Абад облустарынын өрөөндөрүндө жана Баткен облусунда жаан-чачын жаабайт. Батыш тараптан соккон шамалдын ылдамдыгы секундасына 4-9 метрге жетет.

Абанын температурасы:

Чүй өрөөнүндө түнкүсүн +10…+15, күндүз +25…+30;

Талас жергесинде түнкүсүн +10...+12, күндүз +28…+30;

Ош, Баткен, Жалал-Абад дубандарында ​түнкүсүн +13…+18, күндүз +28…+33;

Ысык-Көл облусунда түнкүсүн +8…+13, күндүз +20…+25;

Нарын облусунда түнкүсүн +3…+8, күндүз +21…+26;

Бийик тоолуу аймактарда түнкүсүн -3…+2, күндүз +6…+11;

Бишкекте жаан-чачын жаабайт. Абанын температурасы түнкүсүн +13…+15, күндүз +28…+30 градус болот.