Ысык-Көл ОИИБи жол эрежелерин бузган фактылар боюнча WhatsApp тынымсыз байланышын ачты

Ысык-Көл ОИИБи жол эрежелерин бузган фактылар боюнча WhatsApp тынымсыз байланышын ачты.

Жаӊы окуу жылы башталгандан тарта кызматкерлер жергиликтүү тургундар арасында өспүрүмдөрдүн жеке коопсуздугун сактоо жана кырсыктардын алдын алуу боюнча түшүндүрүү иштери жүргүзүлүп келүүдө.

Ысык-Көл облустук ички иштер башкармалыгына жергиликтүү тургундар кайрылышып, айрым айдоочулар жол эрежелерин сактабагандыктан улам өз балдарынын коопсуздугуна кабатыр болуп жаткандыгын билдиришкен. Алардын кайрылуусун жана кыргыз сегментиндеги социалдык тармактарда акыркы кездери жол эрежелерин одоно бузуу көрүнүштөрү чагылдырылып жаткандыгын эске алуу менен Ысык-Көл ОИИБи ушундай фактыларды милицияга билдирүү максатында WhatsApp тынымсыз байланышын ачты.

WhatsApp тынымсыз байланышына ар кандай жол эрежесин бузуу фактысы боюнча сүрөттөрдү жана видео тасмаларды жиберүүгө болот. Тынымсыз байланыштын номери Каракол шаары боюнча 0709 05 06 56, Ысык-Көл облусу боюнча 0704 07 11 50.

Алынган маалыматтар жол коопсуздугу кызматынын Ысык-Көл облусунун бөлүмүнө жана Каракол шаарынын бөлүмчөсүнө жиберилип, Кыргыз Республикасынын бузуулар жөнүндө кодексинин талаптарына ылайык тийиштүү чаралар көрүлөт.