Баткенден медицинанын 51 кызматкери Ысык-Көлгө эс алууга жөнөп кетишти

Баткенден 51 медицина кызматкери Ысык-Көлгө эс алууга жөнөп кетишти. Бул тууралуу республикалык штабдан билдиришти.

Маалыматка ылайык, дарыгерлер бүгүн, 10-сентябрда жөнөтүлдү.

"Баткен облусунун ар кайсы аймактарында коронавирус инфекциясы жайылган учурда оорунун очогунда эмгектенген дарыгерлер эс алуу үчүн Ысык-Көл облусуна жөнөтүлдү. Аларды облус башчысы Алишер Абдрахманов узатып, өмүр сакчыларына ак жол каалады. Белгилей кетсек, медицина кызматкерлери Ысык-Көлдөгү эс алуу пансионаттарынын биринде 7 күн акысыз эс алышат. Дарыгерлердин эс алуусун саламаттыкты сактоо кызматкерлеринин профсоюздук уюму уюштурган. Алардын барып келүү жол акысы жергиликтүү бийлик тарабынан каржыланган", - деп жазылат маалыматта.