Пара талап кылуу беренеси менен кармалган Улуттук коопсуздук мамлекеттик кызматынын кызматкери ишинен бошотулду

Пара талап кылуу беренеси менен кармалган Улуттук коопсуздук мамлекеттик комитетинин кызматкерине карата жүргүзүлгөн иликтөө аяктады. Бул тууралуу аталган мекеменин басма сөз кызматынан бүгүн, 11-сентябрда кабарлашты.

"Ички иликтөөнүн жүрүшүндө аныкталгандай, 4-сентябрда 326-берене "пара талап кылуу" боюнча Кылмыштардын жана жоруктардын бирдиктүү реестрине катталган сотко чейинки өндүрүштүн алкагында УКМКнын кызматкери Н.уулу С. 1000 доллар пара алып жаткан жеринен Финпол жана УКМКнын өздүк коопсуздук кызматынын кызматкерлери тарабынан кармалган.

Кызматтык иликтөөнүн жыйынтыгында, УКМКнын кызматкери Н.уулу С. ээлеген кызматынан бошотулду. Учурда аталган факты боюнча сотко чейинки өндүрүштү Финполдун тергөө органдары жүргүзүүдө.

Бул кылмыш иши Башкы прокуратуранын, УКМКнын жана Финполдун жетекчилигинин жеке көзөмөлүнө алынды", - дешти мекемеден.