Салык кызматы: "Жарандар 10 күндүн ичинде 158 миллион сомдон ашык транспорт салыгын төлөштү"

Жарандар 10 күндүн ичинде 158 миллион сомдон ашык транспорт салыгын төлөштү. Бул тууралуу Мамлекеттик салык кызматынан билдиришти.

"Жыл башынан бери жалпы 685 миллион сомдон ашык транспорт салыгы чогултулган. Мыйзамга ылайык, салыкты белгиленген мөөнөттө төлөөгө үлгүрбөй калган унаа ээлери салык милдеттенмесинин негизги суммасынан тышкары ар бир кечиктирилген күн үчүн административдик айып жана туум төлөөгө мажбур болушат. Жеке жактар үчүн айыптын өлчөмү 1000 сомду, юридикалык жактар үчүн – 5000 сомду түзөт. Унаа салыгын төлөө мөөнөтү 1-сентябрда аяктаганына карабастан, бул салыкты башкаруу дагы да улантылууда", - деп жазылат маалыматта.

Салык кызматы транспорт салыгын төлөөгө үлгүрбөй калган унаа ээлерин туумдун көп эсептелбеши үчүн салыкты төлөөгө чакырат.