Үч ай ичинде коомдук транспортторго жарым миллион сомдон ашуун айып пул салынды

Үч ай ичинде коомдук транспортторго 519 миң сом айып пул салынды. Бул тууралуу Бишкек шаардык мэриясынын басма сөз кызматынан билдиришет.

Маалыматка ылайык, чектөөлөр киргизилгенден тартып, тагыраагы, 1-июндан 10-сентябрга чейин санитардык текшерүүдөн 3 миң 981 транспорттук каражат өткөрүлүп, 284 протокол түзүлүп, айып пулдун жалпы суммасы 519 миң сомду түздү.

"Шаардык транспорт башкармалыгынын кызматкерлери Мамлекеттик санитардык-эпидемиологиялык көзөмөл борборунун, патрулдук милициянын жана Транспорт жана жолдор министрлигине караштуу транспорттук инспекциянын кызматкерлери менен биргеликте күн сайын коомдук транспорттордун санитардык абалын текшерип, айдоочуларга жана жүргүнчүлөргө түшүндүрүү иштерин жүргүзүп келишет", - деп жазылат билдирүүдө.