Ош. Шаарга 2014-жылы 20 автобус, 25 троллейбус алынып келинет

Ош шаарынын мэринин милдетин аткаруучу Мелис Мырзакматов 19-сентябрда орусиялык 10дой ишкананын жетекчилери менен жолугушту. Жолугушуунун максаты - ишкерлик чөйрөсүндө эки тараптуу мамилени чыңдоо жана айыл чарба тармагына тиешелүү техникаларды арзан баада Орусиядан сатып алууга жетишүү. Шаар башчысы 2014-жылы шаарга 20 автобус, 25 троллейбус сатып алына тургандыгын жолугушуунун жүрүшүндө айтып, эки тараптуу келишим түзүүгө даяр экенин билдирди.