Баткенде жаш балдар атып кеткен 5 адамдын акыркысы, Тажибай Эралиев каза болду

Баткенде жаш балдар үйүнөн атып кетишкен бир үй-бүлөдөгү 5 адамдын бири, үй ээси Тажибай Эралиев каза болду. Ал 18-сентябрь күнү кечинде Бишкектеги Улуттук госпиталда көз жумду. Бул тууралуу Саламаттыкты сактоо министрлигинин басма сөз катчысы Анарбек Алимахунов билдирди. Маркумдун денеси экспертизалык текшерүүдөн өтүп жатат, бүгүн туугандарына өткөрүлүп берилет.

Эске салсак, 5-сентябрдын түнү Баткендин Кара-Булак айылында кылмышкерлер бир үй-бүлөдөгү 5 адамды атып кетишкен болчу. Октон үй ээси Тажибай Эралиевдин 52 жаштагы жубайы, 27 жаштагы уулу, 25 жаштагы келини жана 6 айлык небереси каза тапкан. Жаагына ок тийген Тажибай Эралиевге ооруканада операция жасалды, бирок сакайып кете алган жок. Ал эми кылмышка шектүү 2 бала кармалып, күнөөлөрүн моюнга алышкан. Кылмыш иши козголуп, учурда тергөө жүрүп жатат.