"Денемдин баары помада". Орусиялык композитор Сергей Челобанов Алла Пугачёва менен болгон алгачкы түнү жөнүндө айтты

59 жаштагы орусиялык ырчы жана композитор Сергей Челобанов атактуу ырчы Алла Пугачёва менен болгон алгачкы түнүн "Россия 1" телеканалындагы "Адам тагдыры" программасында айтып берди.

Челобановдун айтымында, ал Пугачёва менен 1991-жылы жаңы жыл түнү, тагыраагы 31-декабрда көп кабаттуу үйдүн короосунан таанышкан. Кийинчерээк Пугачёва Челобановду өзүнүн батирине чакырган.

"Мен мындай нерсени күткөн эмесмин. Пугачёва кайда, мен кайдамын. Ошол түнү биз аябай ичтик жана бийледик. Андан кийинкиси эсимде жок. Эртең менен турсам денемдин баары помада экен", - деген Челобанов.

Ал Пугачёва менен жарандык никеде 3 жыл жашаган. Андан кийин Пугачёва Филипп Киркоров менен сүйүү мамилесин куруп кеткен.

Ошол эле учурда Челобанов аялы Людмиланын көзүнө чөп салгандыгы үчүн азыркы күнгө чейин өзүн күнөөлүү сезип жаткандыгын жашырбайт.