Америкалык ырчы Леди Гага атактуулуктун айынан жабыркагандыгы тууралуу айтып берди

Америкалык ырчы Леди Гага өзүн-өзү өлтүрүү жөнүндөгү ойлору жана атак-даңктын айынан руханий жактан жабыркагандыгы тууралуу "CBS News" каналына берген маегинде айтып берди. Бул тууралуу чет элдик басылмалар жазып чыгышты.

34 жаштагы ырчынын айтымында, ага келген атак-даңк анын психикалык саламаттыгына таасир эткенин билгенден кийин күн сайын өзүн-өзү өлтүрүү жөнүндө ойлонгон.

"Мен өзүмдөн толугу менен көңүлүм калды, атактуулукту, жылдыз болууну жаман көрчүмүн. Атактуулуктан чарчадым", - деп эскерет ырчы.

Леди Гаганын депрессиядан чыгуусуна ырчы Ариана Гранде менен болгон достугу жардам берди.
Акыркы "Chromatica" альбомунун аркасында депрессиядан чыгуунун жолун тапкан.