Мамлекеттик тарых музейине 120 археологиялык табылгалар берилди

Мамлекеттик тарых музейине археологиялык табылгалар берилгенин Маданият, маалымат жана туризм министрлигинин басма сөз кызматы билдирди. Маалыматка ылайык, темирден жасалган 120 буюм Ош облусунун Ноокат районундагы Чандалаш суусунун жанынан табылган. “Ат жабдууларын кооздоочу буюмдар, жебелердин башына тагылган темирлер XII – XIX кылымдарга таандык экен. Бул табылгалардын баары тарых музейине өткөрүлүп берилди”,- деп жазылган билдирүүдө.