Оштогу эксперименттик тез курулуучу жугуштуу оорулар ооруканасынын даярдыгы 48 пайызды түзѳт

Ош шаарындагы эксперименттик тез курулуучу жугуштуу оорулар ооруканасынын даярдыгы 48 пайызды түзѳт. Бул тууралуу республикалык штабдан билдиришти.

"Ош шаарындагы эксперименттик тез курулуучу 100 орундуу жугуштуу оорулар ооруканасынын курулушу “Региондорду өнүктүрүү боюнча социалдык өнөктөштүк фондунун” каржылоосу менен 2020-жылдын 25-июлунда башталган.

Учурда эски имаратты бузуу иштери, жаңы имараттын пайдубалын орнотуу, полдорго бетон куюу, темир конструктивдик фермалар жана устундар орнотулду. Ошондой эле ички жылытуу системи, суу менен камсыздоо тармагы, канализация иштери бүткөрүлдү. Андан сырткары, ички тосмолорду орнотуу, чатырын жабуу, терезелерди орнотуу иштери жүргүзүлүүдө. Курулуш даярдыгы 48 пайызды түзөт. Аталган фонд тарабынан 50 миллион сом каржыланды", - деп жазылат маалыматта.