Бишкек шаарындагы медициналык мекемелерге жылуулук берүү мезгилине 11 генератор керек

Бишкек шаарындагы саламаттыкты сактоо уюмдары үчүн 11 генератор сатып алуу керек. Бул тууралуу Бишкек шаарынын турак-жай коммуналдык чарба иштери боюнча вице-мэр Алимбек Абдылдаев мэриянын пландоо жыйынында билдирген.

Маалыматка ылайык, учурда сегиз уюмда 10 генератор жана бир инвертор бар.

"Бишкек шаардык мэриясынын Саламаттыкты сактоо департаментинде 46 мекеме бар, алар 80 объектте жайгашкан. Анын ичинен 46 объект ЖЭБден, ал эми төртөө “Бишкек жылуулук энергодон”, калган 29у жергиликтүү жылытуу системдеринен жана 1 мекеме газ менен жылытат", - деп билдирген Абдылдаев.