Бишкек ШИИББи тил майрамына карата майрамдык иш-чара өткөрдү

Бишкек шаарынын ички иштер башкы башкармалыгында мамлекеттик тилди өнүктүрүүгө арналган майрамдык иш-чара болуп өттү.

Иш-чарага Мамлекеттик тил коомунун президенти Райымжан Курбанов жана ИИМдин укуктук камсыздоо эл аралык кызматташтык башкармалыгынын мамлекеттик тил бөлүмчөсүнүн улук инспектору Жазгүл Эсенбекова жана башкармалыктын башчылары катышты.

Алгачкы сөздү Бишкек шаарынын ички иштер башкы башкармалыгынын орун басары Нурбек Калыкеев бүгүнкү күндөгү тилдин ал-абалына токтолуп, келечек муунду өз эне тилин сактоого, өнүктүрүүгө, баалоого чакырып кетти.

Иш-чаранын жүрүшүндө чакырылган коноктор кыргыз тилин даңктаган, барктаган ыр саптарын окуп, милиция кызматында болуп жаткан кыргыз тили боюнча маселелерди талкуулап, докладдар окулду.