Бишкекте турак үйдөн жылан чыкты

Бишкек шаарынын Свердлов районундагы Карагачевая көчөсүндөгү турак үйдөн жылан кармалды. Бул тууралуу Өзгөчө кырдаалдар министрлигинин басма сөз кызматынан билдиришти.

"Министрликтин Бишкек шаардык куткаруу кызматынын куткаруучулары жыланды кармап зыянсыздандырышкан", - деп билдиришти ӨКМдан.

Буга чейин дагы Ысык-Ата районунун Новопокровка айылындагы Токтогул көчөсүндө жайгашкан кампанын ичинен жылан чыгып, кийин куткаруучулар тарабынан коопсуз жайга коё берилгендиги кабарланган.