Армения-Азербайжан кагылышуусунун курчушу сүрөттөр менен

Тоолуу Карабахта жекшемби күнү башталган Армения-Азербайжан кагылышуусу дагы да курч бойдон калууда. Армения 16 аскери каза болгондугун жарыяласа, Азербайжан каза болгондор тууралуу үн ката элек. Кагылышуудан Армениянын 2, Азербайжандын 5 жараны каза болгондугу белгилүү болду.

Азербайжан позициясы тарапка Армения тараптан аткылоо.

Армения кагылышуудан 16 аскери жана 2 жараны каза болгондугун жарыяласа, Азербайжан тарап 5 жараны каза болгондугун (аскерлери жөнүндө маалымат жок) жарыялады.

"Бул армян элине жарыяланган согуш. Бул биздин көз карандысыздыгыбызга, эркиндигибизге жана кадыр-баркыбызга каршы согуш. Армян эли бул согушка даяр”, - деди Армениянын премьер-министри Никол Пашинян өз элине кайрылып жатып.

"Азербайжандын аскерлери контакттык линияда абадан коргонуу системин талкалашты", - деп билдирди Азербайжандын Коргоо министрлиги.

Кагылышуудан жаракат алган Армениянын аскери.

Тоолуу Карабахтын Степанакерт шаарындагы имараттар аткылоонун кесепетинен кийин.

Ереван шаары. Тоолуу Карабахка бара жаткан ыктыярчылардын чогулушу.