"Өлкө масштабында карантинди киргизүү жооптуу иш-чара, ал инфекциянын башталышында 1 жолу киргизилет" дейт министрдин орун басары

"Өлкө масштабында карантинди киргизүү жооптуу иш-чара, ал инфекциянын башталышында 1 жолу киргизилет", - деп бүгүн, 28-сентябрда онлайн маалымат жыйында саламаттыкты сактоо министринин орун басары Нурболот Үсөнбаев билдирди.

Анын айтымында, карантин саламаттыкты сактоо уюмдарын даярдоо үчүн киргизилет. "Эми бардыгы санитардык-эпидемиологиялык ченемдерге коомдо бет кап тагынуу режимди жана социалдык аралыкты карманууга жараша көз каранды болот. Анда анча белгилүү эмес карантиндик чараларды болтурбоого болот. Бирок бул ар бирибизден көз каранды. Санитардык-эпидемиологиялык ченемдердин сакталышы боюнча бири-бирине сын-пикир айтууга мүмкүн болгон учур да келет", - дейт ал.