Баткен облусунда күздүк себүү башталды

Баткен облусунда күздүк себүү башталып, учурда кызуу уланууда. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматынан билдиришти.

"Баткен облусунда 2021-жылдын түшүмү үчүн 6 миң 991 гектар жерге күздүк себүү пландалды. Бул былтыркы жылга салыштырмалуу 1 миң 984 гектарга көп. Учурда Кадамжай районунда 22 гектар жерге күздүк эгин себилди", - деп билдиришти мекеменин басма сөз кызматынан.

Мындан тышкары күздүк себүүнү утурлап, Кадамжай районунда түшүмдүүлүктү арттыруу максатында дыйкандарга үрөндү туура тандоо, органикалык жер семирткичтерди колдонуу боюнча окутуулар уюштурулду.