Түркиянын истребители Арменияга таандык Су-25ти атып түшүргөнү айтылууда

Түркиянын F-16 истребители Армениянын аба күчтөрүнө таандык Су-25 истребителин атып түшүрдү. Бул тууралуу Армениянын Коргоо министрлигинин басма сөз катчысы Шушан Степанян билдирген.

"Армениянын аба мейкиндигинде көп функционалдуу истребитель Армениянын аба күчтөрүнүн Су-25 чабуулчу истребителин атып түшүрдү", - деген Степанян.

Истребителдин учкучу каза болгон. Түрк истребители Армениянын аймагынан 8 миң 200 метр бийиктикте учуп өтүүгө жетишкен.

Өз кезегинде Тоолуу Карабах Республикасынын Коргоо армиясынын командачысынын орун басары Артур Саркисян шейшемби күнү Карабахтын аба мейкиндигинде F-16 истребителинин колдонулушу катталганын билдирген.

Баку менен Анкара түркиялык истребитель Арменияга таандык Су-25ти атып түшүрбөгөнүн билдиришүүдө.

Учурда эки өлкөгө аскер абалы жарыяланып, абал курч бойдон калууда.