Согуш жүзү. Окопто жаткан армян жоокерине ок тийип каза болгону видеого түшүп калган

Тоолуу Карабахтагы Армения-Азербайжан кагылышуусу күчөп, абал курч бойдон калууда. Эки өлкө тең бири-бирине сокку узатып жаткандыгы тууралуу расмий маалымат беришүүдө.

Ал эми социалдык тармактарда да согуш талаасынан видеолор тарап жатат. Анда октор жаап жаткан учурда армян жоокери "бизди таштап кетишти!" деп кыйкырганын угууга болот. Бул учурдун баарын анын каскасына орнотулган камера тартып жаткан. Көп өтпөй ага дагы ок тийип кыймылсыз жатып калган. Ал эми анын жанындагы жоокер башын кармап алып, нес абалында кыйкырып жатканын көрүүгө болот.