АКШ президенттигине талапкер Жо Байден "Нобель" сыйлыгына көрсөтүлдү

Улуу Британиянын "Эмгек" партиясынын мүчөсү Крис Брайант АКШнын президенттигине Демократиялык партиясынан талапкер болгон Жо Байденди "Нобель" сыйлыгына көрсөттү. Бул тууралуу чет өлкөлүк басылмалар жазып чыгышты.

"Башкалар маселени зордук-зомбулук жолу менен чечкенде, Байден эң мыкты күч, бул ынандыруу күчү экендигин көрсөттү. Себеби курал менен жүрөктүн кагышын токтотууга болот, бирок туура тандап алынган сөздөр көптөгөн жүрөктөрдү өзгөртө алат", - деп билдирди Брайант.

Буга чейин Байдендин оппоненти АКШнын президенти Дональд Трамп да "Нобель" сыйлыгына үч жолу көрсөтүлгөн болчу.

Быйылкы дүйнөлүк лидерлерден "Нобель" сыйлыгына Израилдин премьер-министри Биньямин Нетаньяху, Орусиянын президенти Владимир Путин жана орусиялык саясатчы Алексей Навальный да көрсөтүлгөн.