"Дордой" клубу 12-жолу футбол боюнча Кыргыз өлкөсүнүн чемпиону аталды

Бишкектик "Дордой" футболдук клубу футбол боюнча 12-жолу өлкө чемпиону болду. Чемпиондуктун бүтөрүнө 1 тур калганда "Дордой" клубу турнирдик жадыбалдагы башкы атаандашы "Алга" клубунан 6 упай озуп кетти.

Муну менен башкы машыктыруучу Александр Крестининдин командасы үчүнчү жолу удаасы менен жана клубдун тарыхында 12-жолу футбол боюнча Кыргыз өлкөсүнүн чемпиону аталды.

"Дордой" (Бишкек) - "Алга" (Бишкек) (5:1);

Голдор: Шило (14, 25-мүнөттөрдө), Сагынбаев (45-мүнөттө), Шаарбеков (54-мүнөттө), Бөрүбаев (76-мүнөттө), Жыргалбек уулу (90-мүнөттө).