Баткен ОИИБи: "Кызыл-Кыяда унаасын чимирилте айлантып, элди ызылдата кууган айдоочу спирт ичимдигин ичкен"

Баткен облусунун Кызыл-Кыя шаарында жаранды сүзүп, андан соң адамдарды качырып айдаган айдоочу кармалды. Бул тууралуу облустук милициядан билдиришти.

Маалыматка ылайык, шектүү 25 жаштагы Кызыл-Кыя шаарынын тургуну.

"Шектүү менен жабырлануучу экөө кошуна. Алар окуя болгон күнү чогуу майрамдап ичишкен. Айдоочу кечээ, 1-октябрда кармалып, убактылуу кармоочу жайга киргизилди. Тергөөдө окуянын келип чыгуу себептери аныкталмакчы", - деп билдиришти басма сөз кызматынан.

Окуя 25-сентябрь күнү саат 20:00 чамасында Кызыл-Кыя шаарынын Масалиев көчөсүндө болгон. Анда Кадамжай районунун 28 жаштагы тургунун жашыл түстөгү Мерседес-Бенц Спринтер үлгүсүндөгү унаа сүзүп, андан соң окуя болгон жерден изин жашырып качып кеткен.

Эскертүү: Видеодо сөгүнгөн сөздөр бар.