Вице-премьер-министр шайлоо участкаларында санитардык эреже бузуу катталса, кайсы жакка кайрылыш керектигин айтты

Бүгүн, 4-октябрь шайлоо күнүнө карата вице-премьер-министр Акрам Мадумаров эгерде санитардык жана башка талаптар аткарылбай жатса, кайсы жакка кайрылуу керектиги туурасында брифингде билдирди.

"Бүгүн Жогорку Кеңештин депутаттарын шайлоону өткөрүү күнү, өлкөдө жана дүйнө жүзүндө коронавирус пандемиясына байланышкан кырдаал орун алып жатканда, бардык шайлоочуларды эпидемиологиялык абалды начарлантпашы үчүн социалдык аралыкты жана бет кап тагынуу тартибин сактоого чакырам", - деди вице-премьер-министр Акрам Мадумаров.

Шайлоо участкаларында санитардык талаптарды бузуу учурунда, ошондой эле техникалык-уюштуруу көйгөйлөр боюнча кайрылуу жана даттанууларды кабыл алуу боюнча колл-борбор саат 08:00дөн 20:00гө чейин иштейт.

Төмөнкү телефондар аркылуу байланышсаңыздар болот: 0312-66 28 58; 0312-62 51 19, 0312-66 28 51, 0312-96 14 54, 0312-66 61 97.