Жогорку Кеңештин депутаттарын шайлоо Бишкек шаарындагы №1104 шайлоо участкасында эң алгач гимн менен башталды

Бүгүн, 4-октябрь Жогорку Кеңештин депутаттарын шайлоо Бишкек шаарындагы №1104 шайлоо участкасында эң алгач гимн менен башталды.

Андан соң саат 08:00дө шайлоочулар кезеги менен кирип жатышты. Аталган шайлоо участкасында эң алгачкы шайлоочу болуп добуш берген Каниет Садыкова шайлоо таза өтөрүнө 100 пайыз ишенбей тургандыгын айтты.

"Мен шайлоого алгачкы жолу катышып жатам. Албетте, толкунданат экенсиң. Кайсы партияга добуш бергеним сыр бойдон эле калсынчы. Татыктуусуна добуш бердим деп ойлойм. Мага акча сунуштаган партиялар дагы болду. Бирок мен алган жокмун", - деди эң алгач добуш берген Каниет Садыкова.