Ала-Арча конушундагы кезек күтүү. Шайлоочулар тизмеден өздөрүн таппай, кайра кайтышууда

Ала-Арча конушундагы №1033, 1034, 1061 шайлоо участкаларында азыркы тапт (саат 12:00гө карата) шайлоого келген жарандардын узун кезекке туруусу уланууда. Кезек күткөндөрдүн арасында балалуу аялдар, ден соолугунун мүмкүнчүлүгү чектелген жарандар жана пенсионерлер да бар. Тартип сакчылары аралыкты сактоо боюнча көзөмөл жүргүзүшкөн жок. Мынча адамдан турган узун кезектин орун алышына бир тилкеге 3 добуш берүү участкасы уюштурулганы себеп болууда.

Мындан тышкары добуш берүү участкаларына келип, өздөрүн тизмеден таппай калгандар болууда. Эки жаран эртеден бери кезек күтүп отурушуп, добуш бергени киргенде өздөрүн тизмеден таппай калышты. Натыйжада алар өздөрүнүн добуштарын бере алышкан жок. Тактоо жүргүзүүнүн жыйынтыгында, форма-2 документин ушул конуштан толтурган Багдат Тургуналиеванын фамилиясы Ала-Арчадан эмес, Аламүдүн районунан аныкталды. Базаркул Осмонкулова болсо добушун бербей калды.