Катышкыла. "Аккула" ипподромунун долбооруна кайрадан тендер жарыяланды

Бишкек шаардык мэриясы "Аккула" ат майданынын долбооруна кайрадан тендер жарыялады. Бул тууралуу мэриянын басма сөз кызматынан SUPER.KG порталына билдиришти.

Маалыматка ылайык, буга чейин, 7-сентябрда мэриянын Капиталдык курулуш башкармалыгы мамлекеттик сатып алуулар сайтында жаңы ипподром боюнча тендер жарыялаган.

"29-сентябрда арыздар каралып, бирок катышуучулар жок болгонуна байланыштуу мыйзам боюнча тендер өткөрүлгөн жок деп табылган. Капиталдык курулуш башкармалыгы квалификациялык талаптарды карап чыгуу менен кайрадан сынак жарыялады. Тендердик табыштамалар 23-октябрда ачылат. Конкурска архитектор, дизайнер, конструктор, долбоорлоочулар жана башкалар катышса болот", - деп билдирди басма сөз кызматынан Назгүл Жамгырчиева.

Белгилей кетсек, азыркы ипподром 1947-жылы салынган. Ал спорттук ат оюндары өткөн бирден бир ири аянтча болгон. Долбоордун автору беларустук архитектор Владимир Нусов.