"Мал багышат", "бут кийими жок", "үй-бүлөдөгү көйгөйлөр". Окуучулар эмне себептен сабактан калышат? (статистика)

2019-2020-окуу жылынын башына карата сабакка кирбеген балдардын жалпы санынын ичинен:

• 1 миң 500 ден соолугунун мүмкүнчүлүгү чектелген балдар. Алардын мектепке барбагандыгынын негизги себеби - мүмкүнчүлүктөрү чектелген балдар үчүн адистештирилген мектептердин жеткиликсиздиги. Мындай балдар үчүн адистештирилген мектептердин көпчүлүгү Бишкек шаарында жана Чүй облусунда жайгашкан.
• Сабакка киришпеген балдардын эң көп үлүшү (0,5 пайызы) Нарын облусуна туура келет. Анын себеби балдар мал багууга ата-энелерине жардам берүү менен алар жайыттарда болгондугу. Алардын көпчүлүгү сабакка октябрда же ноябрда гана киришери менен шартталган.
• 900 бала же алардын үчтөн бири үй-бүлөдөгү материалдык кыйынчылыктарга байланыштуу келе албай калган (бут кийимдин, кийимдин жана мектепке керектүү буюмдардын жоктугу), ошондой эле үй-бүлөлүк жагдайлары кыйын же жайсыз үй-бүлөлөрдүн балдары дагы сабактан көп калган.
• Балдардын мектепке барбай калуусунун дагы бир маанилүү себеби анын иштеп жаткан жумушу болуп саналат. Мында сабакка барбаган балдардын жалпы санындагы үлүшү 8 пайыздан ашыгын түздү.

Маалым болгондой, 2019-2020-окуу жылынын башталышына карата республикада 2 миң 283 күндүзгү жалпы билим берүү уюмдары иштеген, ал эми алардагы окуучулардын саны 1 миллион 300 миңди түзгөн.