Курамында футбол боюнча Кыргызстан курама командасынын оюнчусу бар “Химик” командасы жеңишке жетти

Курамында футбол боюнча Кыргызстан курама командасынын оюнчусу Валерий Кичин ойногон орусиялык “Химик” клубу Улуттук Лиганын алкагында жеңишке жетти. Валерий Кичин негизги курам менен талаа үстүнө чыгып, оюн бүткөнчө алмаштырылбай толук кандуу беттеш өткөрдү. 22-сентябрь күнү, Улуттук Лиганын 14-турунда “Химик” клубу “Спартак-Нальчик” менен беттешип, 3:2 эсебинде жеңишке жетти. Ошентип, 14 оюндан соң Валерий Кичиндин командасы 22 упай менен 7-орунда келе жатат.