Бириккен улуттар уюму Кыргыз өлкөсүндөгү кырдаалга кабатыр экенин билдирди

Тышкы иштер министри Чыңгыз Айдарбеков бүгүн, 7-октябрда Бириккен улуттар уюмунун Кыргыз өлкөсүндөгү дайымкы координатору Озонниа Ожиело менен жолугушту. Бул тууралуу аталган министрликтин басма сөз кызматынан кабарлашты.

Маалыматка ылайык, Бириккен улуттар уюму Кыргыз өлкөсүндөгү кырдаалга тынчсызданууда. Өзгөчө чет элдик инвесторлордун ишканаларына кол салууга кабатыр болууда.

Озонниа Ожиелонун айтымында, Кыргыз өлкөсү кыска убакыттын аралыгында конституциянын негизинде улуттук саясий күч менен укуктук талаага кайтып келиши керек. Бириккен улуттар уюму президент, Жогорку Кеңеш жана саясий күчтөрдүн сүйлөшүүсү үчүн аянт түзүп берүүгө даяр.

Министр Чыңгыз Айдарбеков бул кырдаалдан чыгуу, COVID-19 илдети менен күрөшүү, Жогорку Кеңештин депутаттарын кайра шайлоо жана социалдык-экономикалык өнүгүүгө мүмкүн экенин айтты. Бул маселелерди чечүүдө БУУнун колдоосунан үмүт артарын кошумчалады.