Бир суткада дагы 10 медицина кызматкери илдетти жуктуруп алды

Бир сутка ичинде өлкө боюнча 10 медицина кызматкери коронавирус жуктуруп алганы аныкталды. Республикалык штабдын маалыматына ылайык, алар төмөнкү аймактардан.

Бишкек шаары – 1;
Чүй облусунда – 1;
Ош облусунда – 4;
Жалал-Абад облусунда – 3;
Талас облусунда – 1.

Ал эми бир суткада 1 медицина кызматкери айыгып, ооруканадан чыгарылды. Үй карантининен 2 медкызматкер чыгарылган.

Республика боюнча COVID-19 диагнозу менен медициналык кызматкерлер арасында – 3364 учур катталды, алардын ичинен 3072 медкызматкер айыгып чыкты.