Жалал-Абад ОИИБи: "Облус аймагында коомдук-саясий абал туруктуу"

Жалал-Абад облусундагы тартипти милиция көзөмөлдөөдө. Бул тууралуу облустук милициядан билдиришти.

Маалыматка ылайык, Жалал-Абад облусунун аймагында коомдук-саясий абал туруктуу. Милиция кызматкерлери коомдук коопсуздукту камсыздап жатышат.

Ар кандай массалык талап-тоноочулуктардын алдын алуу максатында жүргүзүлгөн жумуштарга ыктыярдуу элдик кошуундун өкүлдөрү көмөктөшүүдө. Аларга милиция кызматкерлери менен катар инструктаж өткөрүлүп, топтолгон жарандар болсо таратуу керектиги айтылууда.

Тиешелүү тапшырмаларды алышкан соң бөлүнгөн аймактарында аба ырайынын өзгөрүүсүнө карабай кызмат өтөшүүдө.