Экономика министри: "Кыргызстандагы ички дүң продукция 2013-жылы 351 миллиард сомду түзөт"

Кыргызстанды туруктуу өнүктүрүү стратегиясына ылайык, өлкөдөгү ички дүң продукция 2013-жылы 351 миллиард сомду түзөт. Муну экономика министри Темир Сариев 23-сентябрда ЖКнын бюджет жана финансы комитетинин жыйынында айтты. “Келерки жылы бул көрсөткүч 401 миллиард сомго барабар болот” деди министр. Комитеттин мүчөлөрү тема боюнча сунуш-пикирлерин айтышты.

Талкуунун жыйынтыгында бул маселени кайра карап чыгуу чечими кабыл алынды.